GADHAFI PINARUSAHAN NA NG UN

By Ellen Fernando (Pilipino Star Ngayon) Inaprubahan na ng United Nations (UN) Security Council ang isang resolusyon na nagpapataw ng unilateral sanction at pagsasagawa ng imbestigasyon sa International Criminal Court (ICC) laban kay Libyan President Moammar Gadhafi dahil sa umano’y pagpapasimuno ng patayan sa Libya. Napagkasunduan ng 15 bansang kasapi ng pinaka-makapangyarihang bloc na UN Security Council na agad na ipataw kay Gadhafi ang kaparusahan.