LOS ANGELES - Matapos ang isang taong paghihiwalay, kinumpirma ngayon ng Los Angeles Lakers superstar na si Kobe Bryant na nagkabalikan na sila ng misis na si Vanessa.
Ayon kay Bryant, nagdesisyon sila ni Vanessa na ayusin ang hindi pagkakaunawaan at pinapabasura na ang divorce application.
“We are pleased to announce that we have reconciled,” ani Bryant. “Our divorce action will be dismissed. We are looking forward to our future together.”
Napag-alaman na magkasamang sinalubong ng mag-asawa ang bagong taon at ilang beses ding nakita ang dalawa na sweet sa isa't-isa.
Maalala na noong maghain ng divorce si Vanessa noong December, tiniyak ni Bryant na gagawin ang lahat para maayos muli ang kanilang pagsasama. (OMG,BomboRadyo)
