PICHAY, EX-COA OFFICIAL KINALADKAD SA 'PABAON SCANDAL'

By Malou Escudero (Pilipino Star Ngayon) Nakaladkad kahapon ang pangalan ni retired Commission on Audit Commissioner Raul Flores at dating Surigao del Sur Rep. Prospero Pichay sa korupsiyon sa militar matapos itong akusahan ni dating military budget officer George Rabusa na tumatanggap ng nasa P200,000 ang dating COA official base sa kaniyang pangangailangan. Inihayag ni Rabusa sa pagpapatuloy ng hearing kahapon ng Senate Blue Ribbon Committee na ang dating resident auditor ng Intelligence Service of the Armed Forces of the Philippines na si Divine Cabrera ang nagpakilala sa kaniya kay Flores.