Ni Malou Escudero (Pilipino Star Ngayon)
Naniniwala si Senator Miriam Defensor-Santiago na maaring kasuhan ang mga prosecutors na humawak sa kaso ni dating AFP Comptroller Major. General Carlos Garcia dahil sa pagpapabaya sa kanilang tungkulin.Ayon kay Santiago, kung mapapatunayan na pinaboran ng mga prosecutors si Garcia upang tuluyang mabasura ang mga kinakaharap na kaso sa Sandiganbayan ay maaaring kasuhan ang mga ito ng “Negligence and Tolerance” sa ilalim ng Revised Penal Code.
