by Pilipino Star Ngayon
Itinanggi kahapon ng liderato ng mga rebeldeng Moro Islamic Liberation Front (MILF) na may kinalaman ang kanilang grupo sa madugong pambobomba sa isang pampasaherong bus sa Makati City na ikinasawi ng lima katao noong Martes ng hapon.Ayon kay MILF Spokesman Eid Kabalu, malapit na ang pagbubukas muli ng peace talks sa susunod na buwan kaya malabong maghasik pa sila ng karahasan. Sa katunayan anya ay kinokondena nila ang naturang insidente ng terorismo at handa silang tumulong para hanapin ang grupong nasa likod ng insidente.
