Pacquio, bumwelta sa patutsada ni Juan Manuel Marquez

Bumwelta ngayon si 8-division world champion Manny Pacquiao kaugnay sa naging banat ni Juan Manuel Marquez na patutulugin siya sa kaniyang laban sa Disyembre.

Sa isang panayam, sinabi ni Pacman na maganda para sa kaniya ang pahayag ni Marquez dahil magkakaroon na ng excitement ang kanilang laban.

Dagdag pa ni Pacman, dapat hindi na umano takbo nang takbo si Marquez, hindi katulad noong nakaraang bakbakan nila.

Inihayag naman ng Pinoy champion na kasama sa kanilang game plan ang tuksuhin si Marquez para mapabagsak niya ito.

Ang Pacquiao-Marquez fight ay gagawin sa MGM Grand Garden Arena, Las Vegas, Nevada. ( BomboRadyo )