By Abante Online  Tahasang hinamon kahapon ng Malacañang si dating Pangulo at kasalukuyang Pampanga Congw. Gloria Macapagal-Arroyo na basagin ang kanyang pananahimik sa expose nina dating auditor Heidi Mendoza at retired Col. George Rabusa sa nangyayaring iregularidad sa loob ng AFP dahil sa ito ay nangyari noong panahon ng kanyang administrasyon.Ayon kay Deputy Presidential Spokesperson Abigail Valte, bagama’t na kay Arroyo ang pagpapasya sa nasabing bagay, naniniwala naman umano ang Malacañang na walang dapat na ikatakot ang dating lider kung wala naman itong ikinatatakot sa usapin.  |
