Nina Armida Rico, JB Salarzon, Eralyn Prado, Tina Mendoza at Rose Miranda, Abante
“Butas na ang tiyan at punung-puno nang dugo ang mukha nang makita ko ang aking anak sa isang sulok sa pagamutan.”Ito ang maiyak-iyak na kuwento kahapon ni Aile de Leon-Reyes, 51-anyos, housewife, ng Bario Visaga Guadalupe, Makati City, ina ng isa sa limang nasawi sa pagsabog sa Newman Goldliner bus na si Jhohanson, 22-anyos, matapos itong mapuruhan ng sumabog na bomba sa loob ng nasabing bus kamakalawa sa nasabing lungsod na ikinasawi ng limang katao at ikinasugat ng 13 iba pa.
