Ni Malou Escudero (Pilipino Star Ngayon)
Bagaman at nagpakita na kahapon sa Senate Blue Ribbon Committee si Erlinda Ligot, ang asawa ni dating Armed Forces of the Philippines (AFP) comptroller Lt. Gen. Jacinto Ligot, hindi naman ito nagisa ng mga senador matapos maging emosyonal at tumaas ang blood pressure sa 180 over 120.Isasalang na sana sa pagtatanong si Mrs. Ligot pero hindi na ito halos nakapagsalita dahil sa pag-iyak kaya napilitan ang komite na pansamantalang isuspinde ang hearing upang patingnan sa doktor ng Senado ang blood pressure nito.
