Ni Rudy Andal (Pilipino Star Ngayon)
Hinamon kahapon ni Senate President Juan Ponce Enrile si Sen. Antonio Trillanes IV na patunayan ang kanyang akusasyon na sangkot si dating Pangulong Gloria Macapagal-Arroyo sa anomalya sa Armed Forces of the Philippines (AFP).Sinabi ni Sen. Enrile, hindi maaaring hinala lamang ang basehan ni Sen. Trillanes sa pahayag nitong posibleng sangkot si Pampanga Rep. Gloria Arroyo bagkus ay dapat magharap ng ebidensiya si Trillanes para patunayan ang kanyang akusasyon.
