6 DEPED OFFICIALS SEMPLANG SA 'NOODLES SCAM'

By Jun Tadios & Lily Reyes, Abante Online Hinatulan ng preventive suspension ng Office of the Ombudsman ang anim na opisyal ng Department of Education (DepEd) na sa­bit sa kontrobersyal na P427 million “noodles scam”. Sa pitong pahinang desisyon na nakaposte sa official website ng Ombudsman, sinabi ni Ombudsman Merceditas Gutierrez na kailangang managot ang mga opisyal sa paglabag sa Sec 3(e) at (g) ng RA 3019 o ang Anti-Graft and Corrupt Practices Act.