Inulan ng batikos si teen pop sensation Justin Bieber matapos na magpost sa kaniyang Instagram account nang tila pangungutya sa masaklap na pagkatalo ni 8-division world champion Manny Pacquiao kay Mexican champion Juan Manuel Marquez.
Ayon kay Bieber, wala na umanong mapapala si Floyd Mayweather Jr. kung kakalabanin si Pacquiao, dahil hindi pa nito nararanasan na matalo nang dalawang sunod na beses.
“[Mayweather] has nothing to gain fighting Pacqiao. Floyd has never in his professional career lost a fight and Pacqiao lost his last two fights,” wika ni Bieber. “If Floyd wins it's not that big of a deal cuz it would be his third loss in a row, and if he loses he's gonna ruin his legacy either way there's no big win for Mayweather.. Mayweather is boxing.”
Dagdag pa ni Bieber, kung mangyari man ang Pacman-Mayweather fight, maitatala ang ikatlong sunod na kabiguan ng Pinoy boxing champion.
Maging ang larawan ng pagbagsak ni Marquez sa laban noon kay Mayweather ay i-post pa ng teen singer.
“Look what Mayweather did to Marquez.. #moneyteam #nocompetition.”
Hindi naman pinalampas ng ilang television personalities ang pahayag ng singer.
Ayon kay Kat de Castro, kailangang humingi ng tawad si Bieber kay Pacquiao.
“Maybe @justinbieber didn't know how much Pacquiao means to us as a nation. I guess the least he can do now is apologize. #justsaying,” sambit ni de Castro.
Para naman kay BB Gandanghari, nawalan ng tagahangang Pinoy si Bieber dahil sa kaniyang ginawa.
“Congratulations, Justin Bieber! You just lost millions of your fans here in Philippines. #RespectThePhilippinesBieber.” (BOMBORADYO)
